اسلام آباد۔27اگست(اے پی پی)وفاقی وزیر برائے موسمیاتی تبدیلی و ماحولیاتی ہم آہنگی ڈاکٹر مصدق ملک آکھیے جو وفاقی حکومت ہک حکمت عملی ٻݨا ڳھدی اے جیںدے تحت دریا دے کنارے ٻݨݨ آلے سارے غیر قانونی اتے غیر محفوظ ریزورٹس کوں سیلاب دے خطرات توں بچݨ کیتے ݙہواا ویسی اتے کوئی وی ٻھاویں کتنا ہی طاقتور کیوں نہ ہووے?? ایں فیصلے توں رعایت نا ملسی۔ اسلام آباد دے مقامی ہوٹل اچ انسٹی ٹیوٹ آف چارٹرڈ اکاونٹنٹس آف پاکستان (آئی کیپ) اتے چارٹرڈ انسٹی ٹیوٹ آف پبلک فنانس اینڈ اکاونٹنسی (سی آئی پ?? ایف اے) دے سانجھے تعاون نال پائیدار عوامی مالیاتی نظم و نسق دے نظام دی تشکیل” دے عنوان نال کانفرنس نال خطاب کریندے آکھی۔ ڈاکٹر مصدق ملک آکھیا جو اے لگژری ریزورٹس ٻھانویں قانونی ہوون یا غیر قانونی، صرف عمارتاں نئیں، سیلاب اچ اے میزائل بݨ تے تلویں علاقیاں کوں تباہ ک?? ݙیندن، جاناں اتے روزگار برباد ک?? ݙیندن، وزیراعظم شہباز شریف انہاں کوں ہٹاوݨ کیتے واضح ہدایات ݙتین اتے صاف لفظاں اچ آکھیا جو اساں اے سارا کڄھ مسمار کریسن، کوئی رعایت نئیں، کوئی استثنیٰ نئیں۔ انہاں آکھیا جو دریا کنارے غیر منظم تعمیرات سیلاب دے اثرات کوں ٻیا ودھا ݙتے اتے پاکستان کوں موسمیاتی لحاظ نال ودھ کمزور کر ݙتے، پاکستان کوں ہمالیہ دے 7,000 توں ودھ گلیشیئرز توں آوݨ آلے دریاواں پاروں واری واری فلیش فلڈز اتے گلیشیئر جھیل پھٹݨ دے خطرات دا سامݨا رہندے۔ وفاقی وزیر یقین ݙیوایا جو وفاقی حکومت صوبیاں دی مدد کریسی تاں جو شہری نکاسی آب کوں مضبوط بݨایا ونڄ سڳے، آفتاں دی تیاری اتے زوننگ تے عمل درآمد یقینی بݨایا ونڄ سڳے، پنجاب، سندھ، کے پی، بلوچستان، گلگت بلتستان اتے آزاد کشمیر سارے صوبیاں اتے خطیاں کوں ہکو جھیاں تعاون ملسی، و??اق ہر شہر دے نال کھڑے۔
